『阿里爸爸』

呢個月真係好忙, 去完上堂後, 又到柏柏生日, 返公司又要執番d野, 忙死. 所以特別要珍惜呢個父親節假期, 早上的節目一早已安排好, 上Macau Tower!  約左Harry一家一大早上Tower兼影相, 仲拍埋Video, 其實而家生活嘅要求一定係要過得精采實在, 星期一至五確係好充實, 到左週末, 可以一家人玩下兼記錄低開心的一刻, 已經好滿足.

柏柏雖然日日坐車經過旅遊塔, 但都係第一次上去, 我相信佢其實都唔知自己喺邊度, 但佢都好開心, 有得周圍走, 有野俾佢爬, 有妹妹俾佢"蝦", 睇野佢就無乜興趣了, 高亦唔係驚, 佢仍然係咁鍾意elephant同長頸鹿, 去到邊都要玩到邊, 真長情.

柏柏真係好幸運, 由細到而家就兩歲都有好多哥哥姐姐姨姨等買左好多靚衫俾佢, d靚衫靚褲多到可以開fashion show, 當然, BB大得好快, 所以媽媽都爭取幫柏柏密d換新衫, 咁爸爸責任就係影多d靚相啦.

太多太多了, 不能盡錄.  但係有遠見嘅山e同史力加姐姐就在柏柏一歲前送左條兩歲着嘅牛仔褲俾柏柏, 一向鍾意"型"嘅柏柏在一歲生日嘅大日子當然要型下啦, 雖然要摺兩大摺.

而一年後嘅今日, 在柏柏差不多兩歲嘅時候, 條褲已經唔洗摺了, 亦證明柏柏真係高左好多, 而條褲話for兩歲着又真係無老點.

而家爸爸嘅願望, 就係呢條褲快d唔岩柏柏着啦, 快高長大丫嗎, 呵呵呵.

從未想過會咁貴影"幾張相", 當然我們一家亦好享受影相個多鐘頭的過程, 今日終於有相攞啦, 佢擺個陣都好靚, 一齊都好滿意, 除左價錢.

已出之物, 算啦. 返到屋企細心d睇, 個相架後面有晒"QA inspected", 封得鬼死咁靚, 真係唔係好捨得介開佢攞出黎scan, 點算好呢?

問下專業人仕有無辦法可以成個相架scan(前面係玻璃), 而又有番咁上下quality先得.

p.s. CK: 睇到就覆下我啦, 因為我呢個星期好忙, 遲d我會找上門搵你再問意見, thanks in advance.

由TRS80用電腦開始, 第一部擁有的是Apple 2e+Super 5 floppy....成廿幾前嘅事, 而家連一個軟件名都記唔起了.  近呢廿年最出名嘅軟件應該係MS Windows啦, 唔用都會鬧下丫嗎, 不過都應該會延續到我地下一代都要用呢!

而從十幾年開始用PDA處理日常雜事, 第一部Palm Pilot就已經跟左個叫HotSync嘅program, 從嗰刻開始我嘅日常電話簿就已經電腦化左, 亦開始唔驚換電話換SIM card.  自柏柏出世之前, 差不多年年...甚至季季都換PDA or 近年的PDA phone.  嗰d阿星(Sync) 亦由HotSync升級到什麼ActiSync IntelliSync MobileSync ...總之乜星都有, 咁我d電話簿呀、email呀、calenda呀都無有怕.  一向對"阿星"軟件情有獨鍾嘅我, 覺得呢類軟件都幾偉大, 幾乎一年365日無佢唔得.

隨住而家嗰d電話裡嘅電話簿好興有埋聯絡人張相, 而將推出嘅HTC Diamond 2仲有個叫People Centric嘅concept, 總之就想你加張相啦. 但係你有幾何得閒就叫d friend影張相擺入手機, 又唔一定影得靚, 人地又唔一定鍾意. 哈哈! 今日發現左新野, facebook d friend嘅相可以同你嘅Windows Mobile PDA phone電話簿sync啦 - BookSync.  其實facebook都幾得意丫, 第一, 係friends先add (起碼我自己係, 無一個係我唔識嘅); 第二, 嗰張相係個freind自己擺嘅, 起碼佢自己都接受到啦; 第三, 係facebook成日見到張相, 有感情. 所以, 呢個軟件真係好偉大.

呢個軟件真係好有創意, 今日就用左10分鐘Sync左45個friends嘅相落電話, 同埋除左現有嘅相之外, 以後新加嘅朋友, 都可以試下facebook add唔add到, 又+埋張相, 真搞鬼.

另外, 今日其實同時用左一個都好好用嘅PDA軟件去搞Sync嘅, 就係一個免費嘅PC remote PDA軟件MyMobiler:

用mouse喺PC click下click下就Sync晒d相, 當然又即時Sync埋落Outlook, 咁第日換電話(not only Windows Mobile PDA phone)都無有怕啦.

不經不覺柏豬已經連河馬hippo長頸鹿giraffe班馬zebra都識晒, 都係全靠呢套Madagascar I & II啦, 首主題曲I like to move it仲係柏柏近日嘅至愛添, 不論係剪指甲定係聞蒸氣, 一開move it move it佢就會定定地係度睇實, 有時仲會不停跳舞, 好搞笑架!

而由於柏豬成日話zebra panda lion, 咁好自然爸爸會買下一隻買下一隻, 而家屋企都好似個動物園咁囉.

仲有好多隻細細隻都無影囉, 企鵝啦, monkey啦,  唔知會唔會買埋隻河馬呢? 咁就要睇下柏豬對"動物園"嘅興趣仲維持到幾耐嘞.

 

呢個星期都係我"暗"柏豬瞓覺, 留意左佢一段時間, 發覺佢扭瞓覺嘅時間好多好多野講, 仲有時會唱歌添, 琛媽話大細琛都係, 仲話曾經錄起佢, 咁我呢兩晚又試下啦, 但往往想錄嘅時間柏豬就會搞我個電話醒晒, 始終都錄唔到最精采嘅部分. 今晚都係一樣錄唔到, 但就覺得一定要記低佢, 因為佢今晚原來攬住panda瞓覺豬, 突然用張被抹panda個頭, 把口就開始講:"panda洗頭...沖涼...擦牙...抹手手...抹腳腳...口水堅...食旦旦...食矇矇" 跟住又瞓返低講: "panda乖乖地覺豬".  俾佢笑死.

跟住扭到差不多瞓着, 又突然叫"爸爸拖", 佢以前瞓覺都好鍾意拖住爸爸媽媽隻手瞓, 但近月就小d. 今晚又突然要爸爸拖, 我又當然歡迎啦, 佢仲要拖到十指緊扣嗰隻添, 都幾冧架, 呢種感覺好好架, 日頭做到幾辛苦都底返啦. 到你以為佢瞓左, 想鬆開隻手, 佢隻手仔就會喺黑暗中周圍摸, 直至摸到我隻手, 佢d手指就會左纏右纏咁又同你十指緊扣, 真係好得意, 好想諗下有乜辦法錄低佢.  其實自己成日都會諗, 細路仔大下大下, 好多感覺、行為、動靜及句子都只可以係回憶中找尋, 佢隻手唔會細番, 嗰d嬌嗲嘅一舉一動都唔會做返出黎, 所以呢d記憶都好想一分一秒都記下, 影相啦, 錄video啦, 錄音啦...甚至寫blog都係為左想記低佢. 希望作為自己回憶之餘, 遲d柏豬都可以睇返佢有幾幸福, 咁多人o錫佢, 可能佢第時結婚都用得着呢d咁可愛嘅相片呢, 相信呢d都係每個做人父母的心願卦, 柏豬幾時娶老婆呢? hahaha...

柏豬一向都對動物好有興趣, 睇過一次"慌失失奇兵", 就記得河馬"游水水", 企鵝"食魚魚". 我諗大約喺一兩個月之前, 我每朝返工佢除左講byebye, 仲會話"爸爸返工, 賺錢錢買panda...買zebra", 佢又真係好鍾意喎. 其實都想搵好耐, 尋日喺Ikea見到隻Panda幾得意, 買左返屋企, 柏豬一見到就攬到實一實唔肯放:

好似好耐無見嘅老友咁喎

甚至連瞓覺都要攬住

佢近日仲有樣得意野, 問佢貓貓點叫: "meow meow", 狗狗點叫...一齊正常. 但當你問佢一d佢唔知嘅, 例如: panda點叫, 佢會答"panda panda" zebra呢: "zebra zebra", 俾佢笑死.

好彩佢唔係叫我買Prada, 下次留意下邊度有可愛嘅zebra賣先.

10天的年假, 總數16天的悠長假期已經過了13天. 由第一天假期出發去大阪開始, 已經是一個帶着開心、歡笑、溫情及疲倦的假期.  大阪返黎後其實都抖左幾日, 今周又搏剎過, 分別去了氹仔活動中心、威記的QUBE及香港Venture影相.

其實上周已經視察過環境, 今次係有計劃地陪柏豬去玩及留影.  一去到, 佢已經好眼利咁見到佢日日都提住嘅zebra, 仲要兩隻添, 接住佢去到邊度玩都捉住隻zebra唔放, 又要同佢騎馬, 又同佢玩波波池, 但自己就點都唔敢落去玩

收到d email好耐, 又聽個同事講話帶左個年半嘅女去玩話好好玩, 所以決定呢個假期一定要去試下, 襯住閒日無咁多人去試下, $80包一個小朋友連一個大人, 其它大人就$30一個, 可以玩兩個鐘, 價格都算合理. 地方乾淨, 有足夠嘅staff照顧小朋友, "玩具"都好安全, 單係slide都有三組, 可惜只有一組岩柏豬的年紀玩, 有個直落的我見到都腳軟.

除左一組岩柏豬玩的slide, 仲有一個小型的波波池, 今次佢唔驚了, 仲玩到癲晒, 人少少真係幾岩玩.

至於其它玩意, 都幾適合較大的小朋友, 甚至大人玩架, 有Wii, Internet, XBox, 枱波, 足球機...希望柏豬大個呢個地方仲係咁hit啦.

佢真係同一般影樓唔同, 佢無人化妝, 無服飾提供, 無道具, 無背景... 總之乜都無. 上周book左時間, 過左兩日就有個攝影師打電話俾我, 問我想要乜野style, 有乜preference, 提我自己帶多d柏豬鍾意玩嘅玩具, accessories去.  其實聽過呢間野好耐, d相真係好特別, 今日去到見到得一個白色背景, 咁玩下玩下換下衫就過左個半鐘頭, 真係唔覺, 好似喺Qube同柏豬玩左個幾鐘咁. 影完, 佢話周日可以睇相, 仲俾左個price guide我睇, 差不多全部過萬, 有d 仲要兩三萬添, 嚇到我暈左, 不過我同老婆都係諗住要d desk frame就算了, 因為有影結婚相嘅經驗, d大相都係唔知掛邊, 仲有屋企又唔係大, 但係desk frame都唔平... 算啦, 睇完相先算啦. 不過, 最搞笑嘅係佢話佢地呢個星期出左個新product, 係一支usb flash, 可以裝10-15張相, 大約萬幾蚊, 呢支應該係現今世界最貴嘅USB flash啦. 不過我都有d興趣, 可以遲d壐produce過新野嗎. 等我問下佢乜野resolution先, 如果佢話1024x768, 我諗我會笑死左喺佢面前.

總結呢個假期, 可以話係我人生中暫時最有意思嘅假期, 一家人的假期真係好開心, 仲有難得老婆都一齊放丫嗎, 佢都捱得好鬼辛苦, 都係時候抖下氣了.

第三天

計劃去大阪城接觸下大自然同梅/櫻花, 搵路的過程都幾艱辛, 但總算搵到, 柏豬亦好開心可以周圍走.

遊完大阪城公園後, 自由活動. 一家三口去了找專賣BB野的Akachan, 都唔難搵. 因為BB瞓左, 爸爸就讓媽媽一個人去shopping, 自己推住柏柏行左個幾鐘, 但只係行左半條心齋橋. 跟住去埋TokyuHands同Gap, 就一家人去了『和民』食飯, 食物同東京的和民差不多, 叫到成枱野, 飲飽食醉先三舊幾水, 好抵食.

當晚, 柏豬都食得好開心, 亦好攰咁好早瞓着了.

第四天

照原定計劃去一d酒店附近心齋橋步行去到的地方, 結果一班女士行左一朝心齋橋, 爸爸就同柏豬就在橋上影相同講古仔.

下午就去了一晝的黑門市場食飯逛街買魚生同生蠔.

而大阪最後的晚餐亦非常豐富, 飽飽地回酒店.

第五天

通常回程到機場就等飛架啦, 但今次例外. 早上10時多到機場, settle好行李喺locker, 就去了一個約廿分鐘車程的outlet繼續shopping, 同爸爸去開東京的outlet一樣, 有好多空間俾小朋友玩, 包括一d shop裡面都有細路玩的地方.

柏豬應該就一d都唔悶嘞, 因為有得玩, 又有禮物, 仲有....

無錯, 佢同喺澳門一樣－攬女, 今次係一個好鬼得意嘅日本妹妹, 識貨, 哈哈.

去完outlet, 真係要走了, 返到機場, 柏豬同班契媽同姐姐玩完一輪, 終於用左破紀錄嘅時間10秒鐘爸爸就搞掂左佢啦.

總結今次嘅行程, 首先要多謝琛爸, 因為佢提我乜都可以唔帶, 一定要帶車仔, 真嘅, 無車仔我已經死鬼左. 跟住, 整體都非常OK, 俾想像中簡單, 雖然去唔到京都同神戶等地, 但對於1歲9個月的柏豬, 第一次搭飛機, 去大阪逛街, 爸爸媽媽又可以順便shopping, 一家三口連同老婆的一班中學同學都玩得非常高興, 當然亦要多謝老婆呢班咁抵得諗的同學沿途幫手照顧我們一家三口啦, 呢個假期對阿里一家都應該算係非常難忘了.

柏豬第一次離開澳門過夜, 仲要坐飛機, 今次去爸爸媽媽都算陌生嘅地方一大阪, 媽媽臨行前如臨大敵買呢買路, 嗰喼已經重到拎唔到, 爸爸就比較輕鬆, 諗住乜都可以買到, 就係咁, gogogo la.

第一天

今次六個大人(5女1男)+一個BB, 5天大阪的自由行, 就由14號開始了. 下晝機, 柏豬去到機場已經同兩個契媽玩到癲晒啦, 但出乎意外地佢上到機起飛後無耐就竟然瞓着覺, 至於起飛時就乖乖咁食橡皮糖, 總算過左一關.

到了大阪, 一切順利, 去到酒店已經九點幾, 諗住去食餐晚飯就返酒店, 所以無帶車仔, 最後非常後悔.  而柏豬都一切OK, 佢都係食拉麵+小小自攜的can food, 又過關了.

第二天

計劃去下梅田行街, 搭地鐵只係三個站, 已經另我們一行人決定呢個trip唔去京都了, 因為柏豬唔知點解好驚搭地鐵, 喊得好犀利, 仲話驚驚, 好奇怪, 因為喺HK都唔怕. 另外, 就算日本地鐵都好好咁有電梯俾BB車用, 但都好辛苦, so決定下次先再去京都了. 而shopping 的地方, 都設有BB玩樂區, 柏豬都唔怕太悶.

而柏豬可能慣左瞓晏覺, 所以下晝都要喺車仔上瞓着左.  仲瞓得好搞笑添.

而晚上就去食蟹, 柏柏開始都話驚驚, 但最後就似乎同蟹蟹好friend咁, 成日攞住張咭紙玩.

因為AAA的關係, 所以柏豬都成日見到好多動物, 慢慢就讀下讀下讀到好多動物的英文; 今日又同柏豬一齊睇電腦, 佢猛話睇zebra、睇panda, 把心一橫, 就去google search panda zebra, 開了一大埋動物, 上邊嗰張就最多, 同佢逐個數, 佢已經讀到zebra, tiger, lion, bear bear, panda, monkey & 企鵝 (因為未教過佢penguin), 真係開心, 下一步要開始教下佢唔好成日打我個keyboard, 因為佢成日打到d掣飛晒出黎, 跟住就教佢用mouse, 去google, check email, 玩facebook, 哈哈哈.

柏豬雖然再過多年幾先入學K1, 但其實而家開始已經要諗讀乜幼稚園了. 剛過的周日是氹仔培X中學的開放日, 主要對象是幼兒, 即係柏豬至入學年齡的年紀, 咁我地一家又點會放過呢. 佢地喺學校附近的屋苑派單張, 又有玩戲玩, 又有表演, 節目都幾豐富架.  話說我地一去到, 柏豬連門口都唔肯入, 要爸爸抱住, 點都唔肯落地, 入到課室仍然係咁, 直至 .... 一班姐姐圍住佢:

開心晒, 仲肯擺pose影相添, 但仍然唔肯笑:

跟住去操場玩左一陣, 但柏豬仍係鍾意:

接着係玩遊戲了, 但今次得唔到奬, 仲好似包尾添:

唔緊要, 繼續:

直至今晚同佢睇Phonics kids, 佢已經可以背到S for sun了, 讀個kite仲有t音添, 雖然kangaroo仲係讀"can""loo", 但已經幫爸爸減去了今天的工作壓力了. 冧晒!

已經不是第一次在blog講到2月17日了.  其實邊有咁岩架, 自己個妹同老婆個細佬同一日生日, 仲有一個朋友都係. 而自己值得記念的是進入了這行的年紀, 完成了第17年了.

今年過年時無聊咁諗過點慶祝呢? 因為嗰日要返工, 所以諗住不如買野返公司食嘅, 點知事實係過左一日先記得. 昨天(&that day before)都在非常忙碌中渡過, 做到癲左咁.  其實幾晚在家中都已經唔想做野, 睇facebook, 搞plurk, 老婆揍仔, 自己個樣又好攰, 雖然好想攬柏豬, 但又驚精神唔好無mood同佢玩悶親佢.

哈哈! 雖然今日都係咁忙, 都係咁攰, 但放左工在屋企, 開着電視, 攬住柏豬睇ABC, 一路幫佢剪指甲, 聞下蒸氣, 睇住老婆食飯, 好relax喎.  到老婆氹佢瞓覺, 得閒睇private email, 首先睇MadLo嘅facebook留言, ... 明白... thanks. Then山e嘅email, 竟然睇到想喊(接着同大家分享下), 可能近日心情太受公司影響了, 個人"耦耦地", 好感觸, 工作以外嘅所有野都忘記了, 包括家人的事, 所有事. 其實有時都會諗起阿仔佢有d咳, 但又幫佢唔到.... 老婆又要去新加坡開會... 下個月嘅旅行, 有個團友又話靠晒佢, 但佢又唔做野, 卻口嗡嗡豬多意見, 頂! ...身邊仍然有好多事在發生, 唔只淨係工作架, 真係要諗下方法平衡下先得.  得閒睇下唔知work 唔work呢?

"獻給所有未婚，將要結婚，和已婚的好朋友!! (大家要看喔!很發人省思)

=========================================

 

我的母親是個非常好的人，自小，我就看到她努力地維持一個家。

她總是在清晨五時起床，煮一鍋熱騰騰的稀飯給父親吃，

因為父親胃不好，早餐只能吃稀飯。

然後，還要煮一鍋乾飯給孩子吃，因為孩子正在發育，

需要吃乾飯，上學一天才不會餓。

 

每個星期，母親會把榻榻米搬出去曬，曬出暖暖的太陽香。

每天下午，母親總是彎著腰，刷著鍋子，

我們家的鍋子每一個都可以當鏡子用，完全沒有一點污垢。

晚上，她努力蹲在地上擦地板，一寸一寸仔細地擦拭，

家裡的地板比別人家的床頭還乾淨，打著赤腳也找不到一絲灰塵。

 

我母親是個認真辛勞的好女人。

然而，在我父親的眼中，她卻不是一個好伴侶。

 

我成長過程中，父親不只一次地表示他在婚姻中的孤單，不被瞭解。

我的父親是個負責的男人。

他不抽煙、不喝酒，工作認真，每天準時上下班，

暑假還安排功課表，安排孩子們的作息，

他是個盡責的父親，督促孩子在功課上有所成就。

他喜歡下棋、寫書法，沉浸在古書的世界。

我的父親是個好男人，在孩子們眼中，他就像天一樣大，保護我們、教育我們。

 

只是，在我母親的眼中，他也不是一個好伴侶，

我成長的過程中，我經常看到母親在院子的角落中，暗暗無聲地掉淚。

父親用語言，母親用行動，表達了他們在婚姻中所面對的痛苦。

 

成長的過程中，我看到、也聽到父親與母親在婚姻中的無奈，

也看到、感受到他們是如此好的男人與女人，他們值得一椿好婚姻。

可惜的是，父親在世的歲月中，他們彼此的婚姻生活都在挫折中度過，

而我，也一直在困惑中成長，我問自己：「兩個好人為什麼沒有好的婚姻﹖」

 

 

自以為是的付出

 

我長大後，進入婚姻，漸漸了解這個問題的答案。

在婚姻的初期，我就像母親一樣，努力持家，努力地刷鍋子、擦地板，

認真地為自己的婚姻而努力。

奇怪的是，我不快樂；看看我的先生，似乎他也不快樂。

我心中想，大概是地板不夠乾淨，飯菜燒得不夠好，於是，

我更努力擦地板，用心做飯。

似乎，我們兩個人還是不快樂。

直到有一天，我正忙著擦地板時，先生說﹕「老婆，來陪我聽一下音樂﹗」

我不悅地說﹕「沒看到還有一大半的地方沒有擦﹗」

 

這句話一說出口，我呆住了，好熟悉的一句話，

 

在我父親母親的婚姻中，母親也經常這樣對父親說。

我正在重演父母親的婚姻，也重複他們在婚姻中的不快樂。

 

有一些領悟出現在我的心中。

 

「你要的是﹖」我停下手邊的工作，看著先生，想到我父親.....

 

他一直在婚姻中得不到他要的陪伴，母親刷鍋子的時間都比陪他的時間長。

不斷地做家事，是母親維持婚姻的方法，她給父親一個乾淨的家，

卻從未陪伴他，她忙著做家事，她用她的方法在愛父親，這個方法是「做家事」。

而我，我也用我的方法在愛著我的先生。

我的方法也是母親的方法，我的婚姻好像也在走向同一個故事

 

 

「兩個好人卻沒有好婚姻。」

 

 

我的領悟使我做了不一樣的選擇。

 

停下手邊的工作，坐到先生的身邊，陪他聽音樂，

遠遠地看著地上擦地板的抹布，像是看著母親的命運。

我問先生﹕「你需要什麼﹖」

 

「我需要妳陪我聽聽音樂，家裡髒一點沒關係呀，以後幫妳請個傭人，妳就可以陪我了﹗」先生說。

 

「我以為你需要家裡乾淨，有人煮飯給你吃，有人為你洗衣服.....」我一口氣說了一串應該是他需要的事。

 

「那些都是次要的呀﹗」先生說。「我最希望妳陪陪我。」

 

原來我作了許多白工，這個結果實在令我大吃一驚。

我們繼續分享彼此的需要，才發現他也做了不少白工，

我們都用自己的方式在愛對方，而不是對方的方式。

 

 

 

幸福的路徑

 

 

 

自此以後，我列了一張先生的需要表，把它放在書桌前，

他也列了一張我的需求表，放在他的書桌前。

洋洋灑灑十幾項的需求，像是有空陪對方聽音樂、有機會抱抱對方、每天早上kiss拜拜。

有些項目比較容易做到，有些項目比較難，像是「聽我說話，不要給建議。」

這是先生的需要。如果我給他建議，他說他會覺得自己像笨蛋。

我想，這真是男人的面子問題。

我也學著不給建議，除非他問我，否則我就只是傾聽，順服到底，連走錯路時也一樣。

這對我實在是一條不容易學習的路，不過，比擦地板要輕鬆多了，

而我們在需求的滿足中，婚姻也愈來愈有活力。

在我累的時候，我就選擇一些容易的項目做，像是「放一首放鬆音樂」，

自己有力氣的時候就規劃「一次外地旅遊」這樣的事情。

有趣的是，「到植物園散步」是我們的共同項目、共同需求，

每次婚姻有爭吵，去到植物園，總能安慰彼此的心靈。

其實，這也可想而知，原本我們就是因為對植物園的喜愛而相知相惜，

一起走入婚姻，回到園子就會回到多年前彼此相愛的心情。

問對方：「你要什麼？」這句話開啟了婚姻另一個幸福之路。

兩個好人終於走上幸福之路。

 

現在，我也知道父母親的婚姻為何無法幸福，他們都太執著用「自己」的方法愛對方，而不是用「對方」的方式愛另一半。

自己累得半死，對方還感受不到，最後面對婚姻的期待，也就灰心而死了。

既然上帝創造婚姻，我想，每個人都值得擁有一個好婚姻，

只要方法用對，作「對方要的﹗」而非自己「想給的﹗」

好婚姻，絕對是可預期的。"

 

不經不覺柏柏已經一歲八個月了, 即係話我喪影相已經兩年多了, 自從老婆有左開始, 就已經想學影好d相, 可以幫BB嘅童年留返多d美好回憶.  直至今日, 架生都買落唔小, 但事實上技術真係有待改善, 而家影成百張相都係得好小要得, 點算好呢?  睇番呢排d相, 有我個樣嗰d仲好得添喎(即係唔係我影囉).

話咁快2009年就過了一個月, 呢個月真係公私兩忙.  公事就年年都係一樣, 忙埋12月未搞完嘅野, 開始乜乜會議, 年頭編排工作, 而今年仲大鑊, 因為舊年工作進度麻麻地, 所以要狂追了.

私事都唔小野, 柏豬咳左幾個月都未好, 而今個月仲發下燒, 喉嚨痛, 一個月幫襯左幾次醫生.

仲要食左佢人生中的第一次抗生素一個星期, 幸好佢食完真的好轉了不少, 希望佢同其它小朋友都早日完全康復, 身體健康啦.  另外, 老婆屋企有老人家拜拜左, 都忙了一個星期, 因為太忙攞唔到假, 所以忙到自己都差d病埋.

農曆年尾特別多飯食, 接住又話過年, 雖然今年唔派得利是同去拜年, 但都要辦下年貨, 年廿八攞左假, 同柏豬老婆去左塔石花市, IAxM真係抵俾人丙, 咁大地方咁小攤位, 不過影相同行下都ok嘅, 點知過左年先知漁人碼頭嗰個仲好玩, 希望佢下年仲有啦.

 

接住就過年了, 今年差不多每日都有唔同嘅小朋友同柏豬玩, 有HK過黎嘅表姐、俊俊表弟、Jason哥哥、uncle Sam嘅安宜& uncle Harry嘅瑤瑤、auntie Kuan嘅禧宜, 今日仲有迎迎&程程添, 當然仲有一班哥哥姐姐uncle auntie啦, 總算陪囝囝過左一個既忙碌又開心嘅假期.

 

 

 

 

 

 

再一次希望各位讀者&families身體健康! 萬事勝意!

聖誕及元旦都過了, 柏豬都去了兩三個Christmas Party, 而元旦佢就第一次要自己買飛過HK陪爸爸媽媽去買奶粉, 當然亦買了不少囝囝衫啦.  講番柏柏d 衫, 其實佢媽媽&契媽都買左不少搞鬼做型俾佢, 而佢個甲蟲做型就攞左拜對嘅最佳做型奬季軍.  睇下佢幾個可愛做型:

公司派對中hit爆的蜘蛛俠, 聽講已成為左某人Facebook的話題了:

呢件好似話for 3至4歲着的, 但佢媽媽話要影番張先喎, 所以個頭好鬆

一個細過半打西餅盒、瞬眼睇落去唔知係乜嘅所謂"高清播放機", 一點也不起眼, 喺一次去HK個老友Brando屋企睇完之後, 加埋佢部Sony HDR SR12E, 真係夢幻組合; 當然, 我已經被毒到體無完膚啦.

首先講下個"盒"先, 最近個friend個Plurk話要搵個play好多format嘅media player, 我都好同意, 其實K-Lite Codec Mega pack除左rvmb外, 都已經解決左好多問題, 包括好幾種數碼攝錄機嘅raw格式*.mod(Panasonic), *.mts(SONY高清), 但其實play得到也未必好, 因為我試過用部core 2 duo去play *.mts, 聲音足足快過畫面5秒有多, 畫面仲要窒窒下, 點睇呀!!!  其實用DV嘅經驗係覺得import好麻煩, 唔係要import to *.avi, 就係要import to *.mpg, 先至可以慢慢睇, 但如果用高清拍左, 又轉番mpeg 2, 即係降低質素, 咁駛乜用高清. 呢個盒其實唔平, 要3千多, 加埋隻1.5T HD, 差不多5K, 但真係物有所值, 佢可以睇相, 睇片(DV), 仲可以睇ISO(即係將DVD轉到一個file放入部機度), 超方便.  佢有USB, 有RJ45, 咁我就將部Panasonic H250嘅片一次個copy左15G去個盒度, 幾分鐘, 就即係可以在TV睇到, 又將一d成日睇(係柏柏成日睇至岩)嘅DVD, 轉ISO抄落去, 一play即掂, 解壓唔駛2秒.  質素? 話明高清, 當然fit爆啦.  但可用性真高, 用左唔駛一個鐘, 就將柏柏出世至今的所有相片(resize後的高清版)及所有Video抄晒落去, 即刻係TV度任揀, 又可當backup, 連老婆都話方便, 簡單到不得了.

至於高清DV SONY HDR-SR12E, 其實出左一年有多, 但仍未有新model, 而家價格跌穿10K, 質素真係唔錯, 120GB, 仲可以拍攝1千萬像相片, 有點買得太遲的感覺, 其實好難形容, 真係要比較過先知:

又到聖誕又到聖誕! 舊年在聖誕聯歡中扮聖嬰的柏豬今年唔駛表演, 因為我覺得佢呢個年齡最唔受控制, 又坐唔定, 又未識聽指令, 所以佢哋嗰班同學都可以排排坐.  但佢都玩得好開心, 有老友, 有波波, 有音樂, 有得周圍走, 已經開心到癲晒, 佢又攬女....同學啦:

 

雖然無得表演, 但佢都參加左創意服飾比賽, 佢媽媽今年幫佢揀左件甲蟲衫:

 

結果, 就憑呢個甲蟲做型得左季軍囉.

 祝各位聖誕快樂! 新年進步!

今日係柏柏一歲半生日, 去飲咖啡慶祝.  佢近日已經由以前只係識揮手拜拜, 到而家識講拜拜, 仲開始識見到人地行出門口就叫拜拜, 但可能佢進階左d, 佢自己由我房行出去都講拜拜, ok啦.

但今日發生左樣好搞笑嘅野, 在飲咖啡時我餵佢食餅, 點知...跌左半塊餅落地, 佢望住地下塊餅揮手兼講拜拜, 笑鬼死我, 所以話BB真係可以帶俾人好多歡樂的.

思考題: 請問以上呢位自己shopping緊嘅人兄似幾多歲呢?

好一個周末假期, 可以同老婆同囝囝去shopping, 竟然發現呢間supermarket有小型shopping cart, 好搞笑, 由細到大都鍾意推櫈推枱推人(無錯, 係推人, 上個禮拜托兒所姑娘投訴話柏柏喺食飯嘅時候突然企起身推左隔離個同學仔落地, 超曳!!!)嘅BB, 又點會錯失呢個機會呢, 佢即刻推黎推去; 當然, 以上嘅相片係設計圖片, 媽媽係匿埋喺後面的.

Shopping完就返屋企同囝囝玩, 讀書書...apple...豬豬...魚...咩咩...雞雞...不經不覺, 柏柏在12生肖中已經可以讀到超過一半了, 都係媽媽厲害, 成日讀故事書俾囝囝聽, 所以佢都學左唔少野架, 雖然而家發音唔準, 但都企圖叫契媽同山e架.

接着, 就同媽媽嘅中學同學, 一個飛左去美國好耐嘅同學, 咁岩佢個仔細柏柏一日嘅小朋友玩, 幾得意, 兩個相隔咁遠而生世差一日的BB竟然可以一齊玩.  哈哈, 睇見佢嗰頭頭髮就羨慕死人嘞, 俾d柏柏得唔得呀? 

爸爸都好一段日子無了解過d 新科技同gadget野了, 今週幾日就湧左幾樣值得一提的:

第4位: facebook - 其實係因為有老友invite我, 拖左個幾月終於的起心肝create 左個account, 不過都未學識點玩, 但就搵到好多老友都有facebook, 得閒再深入研究先... 即係會擱置一輪囉...hoho...仲有, facebook唔係年青人先玩得架, 米羅!

 

第3位: 高清機頂盒 - 8月買了之後都無認真睇過, 不過今週條天線有d花, 開番個高清翡翠台睇Nikon數碼相機特約嘅"冰天動地".  勁! 真係好清, d雪同d冰好清, 正所謂d白位夠白, 黑位夠黑, 連廖碧兒指甲油上d閃粉都睇得好清楚, 差d 就見到Nikon D700 同 D90個logo添.

 

第2位: 3G電話上的路面狀況 - 半公事, 個電話3G plan用左成年, 都無正式用過, 唔問都唔知原來都有d 有用嘅內容, 發現左有"各區之路面情況", 畫面都幾清楚架.

 

第1位: Sony Ericsson Xperia X1 - 柏豬出世前一年換幾部電話, 而家部HTC Touch Dual 同個2G iPhone用左1年零兩個月, 已經破左記錄, 今個禮拜見到d post話呢部機勁過iPhone, 又係Sony Ericsson第一部Windows Mobile, 以前用過3部Sony Ericsson電話, 印象唔錯, 而家出埋Windows Mobile, 岩晒我. 不過成6k, 和X代理, CTX要12月底先有第一批貨, 開始打稟先.

 

p.s. 部Canon Slephy CP760已經訂左, 就到貨, 因為已經是兩週前的"新聞", 所以今週唔入圍.

 已經個幾星期了, 自從係媽媽去左美國時俾睇過一次Bee Movie後, 就成日叫住"B"... "開"..."睇"..."開", 一見到成班Bee飛黎飛去就大叫"B", 好鬼得意.  而家想叫柏豬乖乖坐低喺自己張櫈仔, 只需要話"開Bee...", 咁就會行去櫈仔度坐好等開Bee, 佢真係好似上左癮咁, 睇左10次8次都咁開心, 其實佢又唔明套卡通up乜, 都咁入神咁興奮, 真係好好笑. 

 

 

唔知係唔係因為掛住BB時期嘅老友呢?

 

其實每年都以同樣方式將假期表匯入Outlook, 再Sync落PPC, 咁整開不如益下人啦.  可惜個blog唔可以upload file, 所以只可以成篇paste出黎, 有興趣的話就開個Notepad筆記本自己將以下內容copy & paste then save落個叫*.HOL(例如: macao2009.HOL), 跟住double click個file, 揀中文或葡文之後, 佢就會自己幫你匯入Outlook.  注意: 匯入完睇下Outlook下年的假期有無再決定第二次匯入, 否則會出現兩次.  內容如下:

 

[澳門特別行政區] 88,
元旦, 2009/01/01
農曆正月初一, 2009/01/26
農曆正月初二, 2009/01/27
農曆正月初三, 2009/01/28
清明節, 2009/04/04
耶穌受難日, 2009/04/10
復活節前日, 2009/04/11
勞動節, 2009/05/01
佛誕節, 2009/05/02
端午節, 2009/05/28
中華人民共和國國慶日, 2009/10/01
中華人民共和國國慶日翌日, 2009/10/02
中秋節翌日, 2009/10/04
重陽節, 2009/10/26
追思節, 2009/11/02
聖母無原罪瞻禮, 2009/12/08
澳門特別行政區成立紀念日, 2009/12/20
冬至, 2009/12/22
聖誕節前日, 2009/12/24
聖誕節, 2009/12/25
除夕特許豁免下午上班, 2009/12/31
[Macao SAR Public Holiday] 89,
Fraternidade Universal, 2009/01/01
1.º dia do 1.º mês do Novo Ano Lunar, 2009/01/26
2.º dia do 1.º mês do Novo Ano Lunar, 2009/01/27
3.º dia do 1.º mês do Novo Ano Lunar, 2009/01/28
Cheng Ming (Dia de Finados), 2009/04/04
Morte de Cristo, 2009/04/10
Véspera da Ressurreição de Cristo, 2009/04/11
Dia do Trabalhador, 2009/05/01
Dia do Buda, 2009/05/02
Tung Ng (Barco Dragão), 2009/05/28
Implantação da República Popular da China, 2009/10/01
Dia seguinte à Implantação da República Popular da China, 2009/10/02
Dia seguinte ao Chong Chao (Bolo Lunar), 2009/10/04
Chong Yeong (Culto dos Antepassados), 2009/10/26
Dia de Finados, 2009/11/02
Imaculada Conceição, 2009/12/08
Dia Comemorativo do Estabelecimento da Região Administrativa Especial de Macau, 2009/12/20
Solstício de Inverno, 2009/12/22
Véspera de Natal, 2009/12/24
Natal, 2009/12/25
Véspera do dia de Fraternidade Universal, 2009/12/31

 

另外, 香港的假期見到呢個site有得download:

如果download唔到, 可以用下面內容:

[香港 2009年公眾假期]24
1月1日,2009/1/1
農曆年初一,2009/1/26
農曆年初二,2009/1/27
農曆年初三,2009/1/28
清明節,2009/4/4
耶穌受難節,2009/4/10
耶穌受難節翌日,2009/4/11
復活節星期一,2009/4/13
勞動節,2009/5/1
佛誕,2009/5/2
端午節,2009/5/28
香港特別行政區成立紀念日,2009/7/1
國慶日,2009/10/1
中秋節,2009/10/3
重陽節,2009/10/26
聖誕節,2009/12/25
聖誕節後第一個周日,2009/12/26

 

其實, 進階一點是可以將兩段內容放埋一起, 仲就可以揀HK or Macao啦.

 

Microsoft 官方資料在此:

Customize the Outlook calendar with your company's important HR dates Outlook 2003
http://office.microsoft.com/en-us/assistance/HA010750021033.aspx

希望有人喜歡啦.

媽媽現在應該在回程的飛機上, 還有十多個小時就到澳門了, 而家睇返轉頭就好似好快.  柏豬在媽媽飛了的第五天有d 咳, 雖然睇左急診, 但而家仍有兩聲咳, 好彩有嫲嫲幫手照顧, 柏豬仍是食得瞓得.

今天帶左柏豬去街, 睇睇交通安全嘉年華有乜野玩, 我都係第一次去呢類活動, 膽粗粗一條友帶住一個成日亂走嘅大BB, 好彩撞到好多同事幫手照顧佢...應該係同佢玩先真, 喺塔石廣場度搞呢個event, 可能係同場無乜咁細個嘅BB, 咁加上柏豬鍾意"跟人"的性格, 我都唔算太辛苦, 柏豬仲成為左小小model添, 唔知係有什麼主題攝影比賽定係真係咁多人鍾意影BB, 柏豬去到邊都長期有三四部相機跟住佢; 可惜嘅係, 柏豬佢仍然係喜歡走多過行, 同姐姐玩玩下仆左落地, 個額頭仔撞腫左, 當然喊到豬頭咁啦, 好彩唔係好大鑊, 唔係實俾媽媽鬧死.

明日下午仲要一個人帶佢去朋友個一歲女嘅party, 又係另一個挑戰了.

呢個仔, 有時睇落好大個:

實情仲係好細粒: